老師情 dang hōng-zing

老師職務費苦心，生活管教用愛心，

學業指導有耐心，行為輔導全疼心。

no-su zit-bhū hùi ko-sim，

sīng-uah guan-ga iong ài-sim，

hak-ghiap zi-dōr u nai-sim，

hīng-ŭi hu-dōr zūan tiàⁿ-sim。

老師職務費心力，文學數理攏齊捌，

教育子弟有方法，愛心疼心是祕訣。

no-su zit-bhū hùi sīm-lat，

bhūn-hak sò-lì long ziāu-bhāt，

gàu-iok zu-dē u hōng-hūat，

ài-sim tiàⁿ-sim si bì-gūat。

老師學識上飽學，天文地理逐項讀，

栽培子弟搰力沃，書香社會鬥推搡。

no-su hak-sīk siong ba-hak，

tiān-bhŭn de-lì dak-hang tak，

zāi-būe zu-dē gut-lat āk，

sū-hiong sia-hūe dàu tūi-sāk。

傳授智識誠神聖，春風化雨真本領，

創造社會新文明，老師四界受尊敬。

tūan-siu dì-sīk ziāⁿ sīn-sing，

cūn-hong hùa-ù zin bun-lìng，

còng-zor sia-hūe sīn bhūn-bhĭng，

no-su sì-ge siu zūn-ging。